Kaninang alas-6:30 ng umaga ay personal na nagtungo dito sa himpilan ng Kalibo PNP ang victim-complainant na si Rowel Dela Cruz, residente ng C Laserna St., Kalibo.
Ayon sa kanyang ibinigay na salaysay, bandang alas-8:30 ng umaga lahapon habang nakasakay siya kasama ang kanyang kaibigan sa isang naka-tigil a tricycle sa area ng Kalibo Public Market ay nilapitan sila ng suspek na isang alyas "Evan" ng Brgy. Bang-bang, Balete at itinulak si Dela Cruz.
Tinangkang umiwas ng biktima ngunit naabot siya ni Evan ng saksak at tinamaan ang biktima sa kaliwang bahagi ng kanyang tiyan at kaliwang kilikili.
Matapos nito ay dali-daling tumakas ang suspek samantalang dinala naman ang biktima sa Don Rafael S Tumbokon Memorial Hospital ngunit tumanggi naman itong magpa-confine.
Matapos magbigay ng salaysay ang biktima ay agad namang nagsagawa ng follow up investigation ang mga elemento ng Kalibo PNP upang mahuli ang biktima ngunit wala na ito sa kanyang tirahan.
Nakumpirma na ang pangalan ng suspek ay Ivan Iligan y Retulin na residente ng Teangang, Camaligan, Batan at Kalangkang, Makato, Aklan.
Under follow up investigation pa rin ang nasabing kaso.
No comments:
Post a Comment