Opinyon: Ang isla sa gitna ng ingay

Kumakailan lang ay bumisita si Director General Marciano Paynor ng APEC 2015 National Organizing Council (NOC) sa probinsiya ng Aklan kung saan idiraos ang nalalapit nang APEC Summit sa Isla ng Boracay.

Nakipagpulong rin siya sa mga opisyal ng probinsiya para sa pagsiguro ng kaayusan at kaligtasan ng halos 5, 000 bisita mula sa loob at labas ng bansa na kalahok sa nasabing malaki at mahalagang pagpupulong.

Isa sa mga spesipikong hiningi nito ay katahimikan.

Mahigit dalawang buwan nalang ay dumating na ang ganyan kalaking bilang ng mga bisita sa Isla.

Gabi-gabi nalang nakasanayan na ang 'night party' sa Isla lalu na sa mga videoke at disco bar. May mga videoke bar na inirereklamo dahil sa ayaw magpatulog ng mga kapitbahay sa lakas magpatugtog.

May ilan namang open mupler na mga motorsiklo ay takaw-oras magpakarera partikular sa Bloomfield area, sa Cagban, at sa Fairways na nakakadisturbo ng mga bisita sa kanilang pamamahinga.

Sa araw, ay ang mga maiingay na sasakyang humaharurot, kung maakala mo'y hari ng kalsada. Sa naman ay malagayan na ng mga silencer ang mga bawat sasakyang ito. Nakakabingi sa tainga.

Ito ay isang Isla, na dapat sana'y lagaslas ng alon sa dagat huni ng ibon, at pag-ihip ng hangin sa mga dahon ng kahoy ang mauulinig.

Hiling lang naman namin na bawasan na ang ganitong ingay. Patahimikin nawa ang katahimikan ng Isla.

Simulan ngayon, para pagdating ng mga bisita, wala nang anumang pag-aalala.

Opinyon: Pasyente lang kami!

Mainit ngayon ang isyu sa Ibajay District Hospital sa dahilang marami ang nabiktima ng mga maling pag-aalaga sa mga pasyente at ang mga empleyado/a ng nasabing paggamutan ay mga suplado/a lalu na ang mga nurse at doctor.

May nakarating na reklamo na namatay ang pasyente dahil sa kanilang pagtanggi o pamimili ng kanilang tatanggapin.

Ang ganitong Sistema ay isang paglabag sa batas ng pamahalaan. Nakasaad sa batas na ang mga medical practicioner na namimili ng mga taong lalapatan bibigyang ng medical na tulong ay papatawan ng kaukulang parusa ng pagkatalsik sa paglilingkod at maaaring mawalan ng habambuhay na benipisyo para sa mga empleyado/a ng gobyerno.

Unang-una, ang mga tauhang pang medical ay may sinumpaang maglingkod sa bayan at unahin ang kapakanan ng mga pasyente. Ito dapat ang makita sa pagkilos, pagsasalita, at pag-iisip ng mga ito.

Pangalawa, ang mga tauhang pang medical ay may sinumpaang maglingkod sa bayan at unahin ang kapakanan ng mga pasyente. Ito dapat ang makita sa pagkilos, pagsasalita at pag-iisip ng mga ito.

Pangalawa, ang mga pasyente ay pasyente—tao na may karamdaman at pakiramdam. Hindi ito mahirap intindihin. Ang mga ito ay may karapatang tumanggap ng agarang tulong kung kailangan.

May pera man  o saw ala ang pasyente, ang tunay na serbisyo ay maingat at mabuti makitungo!

Concerned Citizen

Isang Baranggay, Ibajay, Aklan

Opinyon: Disiplina sa mga kabataan

Sa pagsulong ng makabagong teknoloheya, kasabay nito ang paglikha ng mga larong pangcomputer at mga website n anaglalaman ng kahalayan at kalaswaan.

Kabilang rito ang pinaka-usong laro ngayon sa mga kabataan na Defense of the Ancient o DOTA.

Pero kasabay ng pag-uso ng mga ito, ang tila pagkawala ng moralidad at pagpapahalaga ng mga kabataan--sa pakikipag-ugnayan pamilya, pakikipagkapwa, at sa edukasyon.

Isinusulong ngayon ng Kamara ang panukalang batas na naglalayong mahinto ng mga kabataan.

Ito ang House Bill 4740 o ang Internet Cafe Regulation Act na naghihikayat din sa mga magulang na i-monitor na mabuti ang nilalaro sa computer  ng kanilang mga anak at kung anong website ang binubuksan.

Nakasaad pa sa panukulang ito na hindi dapat papasukin ng mga may-ari ng iternetshop ang mga menor de edad mula alas-7 ng gabi hanggang alas-7 ng umaga tuwing weekends at holiday para malimitahan ang mga ito sa computer games.

Marami na ang naiulat na hindi magandang naidulot nito sa mga kabataan, halimbawa nito ang 16 taon-gulang na batang lalake na pinatay ang 11 anyos na lalaking kalaro dahil na-hack nito ang kanyang DOTA account, ganoon rin 17 anyos na binatilyo na binugbog ang kanyang lola matapos siya nitong pagalitan dahil sa sobrang adik sa computer games.

Sa Brgy. Dasmariñas, Cavite ay mayroon ng resolusyon na nagbabawal sa larong DOTA dahil sa nagdudulot ito ng sugal at gulo sa kanilang kumunidad.

Sa aming palagay, dapat ngang higpitan at subaybayan ng mga magulang ang kanilang mga anak sa paglalaro nito at limitahan ang oras.

Kung ito ay hindi makakatulong sa kumunidad lalu na sa pag-unlad ng kabataan, bakit hindi ito ipagbawal.

Opinyon: Pagbabawal sa paggamit ng plastic, nabasura

Taong 2012, ipinatupad ng bayan ng Malay ang ordenansa na nagbabawal sa paggamit ng plastic bags sa drygoods sa munisipyo particular sa Isla ng Boracay sa layunin naring mapangalagaan ang malaparaisong kagandahan nito. Ito ang nakasaad sa Municipal Ord. 320 series of 2012.

Ipinagbabawal rin dito ang paggamit ng Styrofoam o styrophor. Layunin nito na magkaroon ng ecological balnce sa nasabing lugar.

Pero halos tatlong taon na nasaan ang pagsunod sa ordenansang ito? Sa implementasyon palang ay tila wala pang nasisimulan ang lokal na pamahalaan.

Sayang paglingun-lingon at pamamasyal sa Isla pa lang ng Boracay plastic dito plastic doon.

Hindi ba’t dapat munang pagbigyan o pagtuonan ng pansin ng lokal na pamahalaan, itong basura dito, basura doon.

Lalu ngayon, top 3 ang Bansa sa mga coastal countries sa buong mundo na malakas magtapon ng plastic na basura lalu na sa karagatan.

Sana naman dito sa Isla, lalu na sa front beach basuraha’y dagdagan, para pagkalat ng basura’y maiwasan.

Bakit? Kapansin-pansin kasi na tila walang masyadong mabusarahan sa front beach. Kung meron, parang katiting lang. Kung malagyan man, makabubuting magkaroon ng segregate na lalagyan ng basura.

Sana rin nama’y makipagtulungan din itong mga establisyemento komersiyal dito para sa dapat nga proyekto!

Salamat nalang sa mga batang matitiyagang namumulot ng basura sa tabing-dagat na ito upang mapagkaperahan.

Habang hindi pa tuluyang naipapatupad ang ordenansang ito—lahat ay magtulungan, kalat mo, linis mo!

Boracay ay pahalagahan, para lahat tayo makinibang!

Russian ninakawan; suspek kulong

Nasa kulungan ngayon ng Boracay Tourist Assistance Center police station ang suspek sa pagnanakaw sa isang Russian National sa loob ng isang bar sa Brgy. Manocmanoc, Boracay Island, Malay, Aklan.

Sa blotter entry ng nabanggit na istasyon ng pulis, nasa loob ng bar ang biktima na si Kseniia Loshchilova, babae, 25 anyos ng nakawan ito ng suspek na kinilala kay Mark Anthony Castillo, nasa legal na edad.

Kinuha umano ng suspek ang kanyang cellphone na Sony Experia Z, sa loob ng bag nito, subalit nakita ito ng saksi na si Mikhail Loshilov, lalake, 24 anyos. Hinabol ng nasabing saksi ang suspek habang tumatakbo papalayo pagkakuha ng cellphone.

Naabutan naman ito ng saksi at nakuha sa kanya ang nasabing pag-aari na kanyang ninakaw.

Opinyon: Magmove-on na lang!

Makakatanggap na ngayong buwan ng Pebrero ang mga taga-Kalibo, mga residenteng nabiktima ng dumaang bagyong Yolanda, ang kanilang emergency shelter assistance. Sila ang kauna-uanahang makakatanggap ng tulong na ito sa probinsiya.

Samantala, may ibang bayan na hanggang ngayon o ngayon palang nagkakandarapang magsumite ng kanilang mga pangalan sa DSWD o Department of Social Welfare and Development Offic eng Region VI. May iba, 'di umano alma ng mga residente, tila walang pakialam ang kanilang mga opisyal--ni hindi sila inaatubiling magfill-up ng kung ano para sa nasabing tulong.

Pero bakit ang iba naman, nag-uuruda sa mga mamamayan na magkuha ng postal ID dahil di umano'y irerelease na ng kanilang Municipal Social Welfare and Development office ang naturang inaasahang tulong, ganoon palang naloko lang pala!

Ang tanong nga ganito: bakit ang nabanggit na bayan ay nakatanggap na ng tulong, bakit ang iba'y wala pa? Sino ang dapat sa sisihin dito?

Kung ganito lang naman, ang tulong na ito ay hindi dapat tawaging Emergency Shelter Assistance kundi DELAYED shelter assistance.

Tama ngang dapat magmove-on na lang! Maghanap ng paraan o magsikap na maging independente sa pagbangon.

Ang amin lang naman sa lokal na gobyerno tulong ay bilisan para naman kayo'y mapagkatiwalaan.

Sa mga residente naman, sa halip na maghintay magmove-on nalang!

Kalibo unang makakataggap ng ESA

"Sa tingin ko, ang Kalibo ang unang nabigyan ng Emergency Shelter Assistance (ESA) sa probinsiya [ng Aklan]," pahayag ni Lolly Espino, local officer ng  Municipal Social Welfare and Development ng Kalibo sa panayam ng Radio Birada!

Ayon sa kanya, noong Lunes nagtungo ang tresurera ng Kalibo sa regional office ng Department of Social Welfare and Development upang makuha na ang tseke na nagkakahalaga ng P92.940 milyon para sa mga balidong  residente na tatanggap ng nasabing tulong pinansiyal sa nangyaring bagyong Yolanda.

Ang perang ito ay nakalaan para sa 9, 294 na mga biktima ng bagyo na nakalista sa partially damaged. Tatanggap ang mga ito ng tig-P10, 000.

"Sa pamamagitan ng pagtutulungan ng bawat Barangay na maiayos kaagad ang mga pangalan ng mga resienteng naapektuhan ng bagyo, agad naming na-isapinal ang aming lista at naipasa kaagad sa region."

Naka-iskedyul narin ang takdang pamamahagi ng pondong ito sa bawat Barangay. Hindi aniya ito mapagsasabay-sabay dahil hindi naman agad-agad makukuha ang buong halaga sa bangko.

Maaring simulan ito sa Huwebes o sa Biyernes.

Swedish naisahan ng dalawang bakla

BORACAY-Minabuti ng isang bakasyunistang Swedish na iparekord sa Boracay Tourist Assistance Center police station ang nangyaring pagluko sa kanya ng dalawang benabae na nakilala niya lang sa islang ito.

Ang biktima nakilala kay Filip Jorbrand, 28 anyos. Samantala, hindi pa nalalaman ang pagkakakilalan ng mga baklang suspek.

Ayon sa kanya, nakasalubong umano niya ang dalawa habang naglalakad ito sa D' Mall sa Brgy. Balabag habang nagcha-chat. Niyaya ng mga ito ang biktima sa isang malapit na restaurant para kumain.

Matapos mag-order ang biktima ng kanyang kakainin, hindi nito inintindi ang dalawa na nag-order din ng pagkain sa pag-aakalang sila ang magbabayad ng mga ito.

Nagulat na lamang ang biktima ng malamang nai-charge sa kanya ang kanilang mga inorder.

Ayon pa  sa panayam ng Radyo Birada! sa Swedish sa salitang Ingles "may mga kaibigan din akong mga bakla sa Manila pero hindi ko alam na lulukuhin pala ako ng mga bakla dito sa Boracay."

Aprikano binugbog at ninakawan sa isang bar

BORACAY ISLAND-Binugbog ng dalawang Pilipinong suspek ang isang bakasyunista Aprikano sa islang ito kagabi ng madaling araw sa isang bar sa Brgy. Balabag.

Ang biktima ay si Davyn Gene Fourie, lalake, 26 anyos. Samantala, hindi pa nakikilala ang mga suspek.

Ayon sa blotter entry na ipinarekord ng biktima, banda 2:00 ng madaling araw habang nasa isang bar na bumili umano ito ng dalawang beer para sa dalawa niyang kaibigan kasama. Pinagpilitan ng dalawang suspek na ibigay sa kanila ang nasabing beer, pero tumanggi ang Aprikano.

Dahil rito, sinuntok siya ng isang sa dalawang suspek. Agad namang tumakbo ang biktima sa labas subalit sinundan parin ito ng mga suspek saka pinagtulungang bugbugin.

Nagtamo ng ilang sugat sa iba-ibang bahagi ng kanyang katawan ang biktima.

Maliban sa pambubugbog, posible ring tinakawan siya ng mga suspek matapos mapag-alaman na nawawala ng kanyang wallet. Ito ay naglalaman ng kanyang mahahalagang dokumento kabilang na ang kanyang driver's license at perang P13, 000.00.

Kasalukuyang iniimbestigahan mga kapulisan ng Boracay Tourist Assistance Center ang nasabing insidante.

Opinyon: Palaisipan o palakasan?

Nobyembre 8, 2013, Sabado ng hagupitin ng bagyong Yolanda ang halos buong Kabisayaan.

Matindi ang naging pinsala sa Tacloban na kumitil ng maraming buhay. Pero hindi rin nakaligtas ang Aklan sa nangyaring trahedya. Biktima rin ang mga Aklanon sa nangyari, malaki rin ang pinsala sa mga tao--kabuhayan, kabahayan, maging ng mahal sa buhay.

Bakit kayhirap makahingi ng tulong sa pamahalaang lokal? Sa barangay pa lang ay parang itsapuwera ka nalang? Porke ba kontra-partido ka'y wala ka nang matatanggap na tulong? O di naman kaya'y pahirapan kang matulungan? Kailangan pa bang lumuhod at humalik sa paanan ng kamahal-mahalang kapitan?

Bakit kitang-kita na ang bahay na nadaganan ng malaking puno'y para tilang hangin lang? Titigan mang maigi'y walang alam, este walang pakialam! Pinabayaan pa ng isang taon, na hindi ito inalis para lang naman mapansin ng pamunuang lokal pero parang tila wala lang. Hanggang sa natapos nalang ang isang taon.

Nilagare nalang ang puno at ibinenta para maperahan.

Napakalaking ebedinsiya na ang naktambad sa kanila.

Ang tunay na pinuno ay may pagkalinga at pag-aalala sa LAHAT ng nasasakupan. Ang tunay na naglilingkod sa bayan kapakanan ng tao ang pinapahalagahan.

Sa bagal ng tulong kitang-kita na ang sa likuran palakasan na lang!

Kahit bahay mo'y di giba sa listahan pangalan mo'y doon parin makikita. Ambag na tulong, sa kanya'y unang-unang biyaya. Ito'y hindi na dapat pa maging palaisipan kundi kong ika'y may kapit, idaan sa palakasan.

Mahiya naman ang mga ito! Batu-bato sa langit ang matamaan huwag magalit.

Bakit sa tulong na bigas palang halimbawa, ang sa iyo'y anim na sako, ang sa iba nama'y kalahating sako? Anong ibig sabihin nito.

Sa baranggay ni Kapitan, ang tanyag na slogan: "PALAKASAN".

Opinyon: Aspera, Salamat relieve na!

Kalibo airport. Photo courtesy of Wikipedia.com.

Naglabas na ng relieve order ang Civil Aviation Authority of the Philippines o CAAP director general William Hotchkiss III laban sa Kalibo International Airport officer-in-charge Cynthia Aspera sa kanyang tungkulin noong Biyernes.

Suspendido rin ng isang buwan ang apat na CAAP personnel, dalawang security na sina Joel Itulid at Arnold Barreda at ang dalawang terminal fee inspector na sina Kenny Afable at Irene Andrade.

Lumalabas kasi sa nagpapatuloy na imbestigasyon ng CAAP na mayroong kakulungan sa kontrol ng seguridad sa nasabing paliparan.

Matatandaan na isang baliw mula sa Patnungon, Antique na si Leah Reginio, 30 anyos ay nakasakay sa eroplano patungong Incheon, South Korea na wala manlang mga kaukulang dokumento ni ticket.

Kitang -kita naman ang kakulangan sa seguridad sa nangyaring ito. Sa totoo lang ay nakakatawa.

Isang matalinong baliw ang naisahan ang tinaguriang International airport ng bansa at isang pintuan sa sikat na Isla sa buong mundo--ang Boracay!

Paano nalang pala kung ang nakasakay ay isang terorista, nakalabas o nakapasok sa probinsiya dahil sa kapalpakang ito. Paano kung iyon pala ang most wanted terrorist ng mundo na si "Usman".

Tama lang ang pagrelieve kay Aspera! Pero kung tutuusin, sa aming palagay, ang apat na CAAP personnel ay kulang ang 30 dias na suspensiyon sa kanila para matuto.

Nakakatuwang isipin na noon ding Biyernes na 11 illegal workers pa sana ang tangkang lumusot sa parehong airport subalit napigilan o nahuli ng mga pulis.

Nabatid na ang karamihan sa kanila ay galing pang parteng Luzon. Marahil pumarito pa sila dahil sa binigyan sila ng impormasyon ng kanilang illegal recruiters ng impormasyon na madaling lusutan ang Kalibo airport. Napag-alaman kasi na walang mga kaukulang dukomento ang mga ito para magtrabaho sa ibang bansa na sana'y sa Malaysia, para makasakay ng eroplano.

Salamat na lang at relieved na si Aspera! Sana nga'y mapalitan na ng bagong mamamahala ang nasabing paliparan na magpapahalaga sa kapakanan ng bawat isa pagdating sa seguridad.

Sana nga ay mapalitan na siya. Dapat sundin ng probinsiya ang slogan na "Aklanon for Aklan."

Opinyon: Nakawan, nakawan, nakawan

Front Beach ng Boracay. Photo courtesy of Google Search

Halos araw-araw nalang, hindi mawawala ang theft, qualified theft, alleged theft, o robbery sa blotter entry ng Boracay Tourist Assistance Center o BTAC Boracay police station, sabihin pang nakapako na.

Totoo, kung propesiyon ang pagiging pulis, propesyon din ang pagnanakaw.

Mahirap tukuyin ang mga magnanakaw at ang mga paraan nila pero dapat unahin ang seguridad, sapat na ang ilang ulit na nakawan.

Dapat ay maglagay ng baggage counter sa front beach para sa mga bisita walang mapaglagyan ng kanilang mga gamit para maligo at magtalaga ng guwardiya na babantay dito. Simple lang ang suhestiyon na yan, pero kung yan ay makabubuti, bakit hindi subukan.

Dagdagan din ang mga signagges sa front beach na nagbibigay paalala sa seguridad ng mga bisita at kung maaari ay lakihan upang makitang maigi ng mga bisita sa front beach.

Matuto naman tayo sa mga nangyayaring ito.

Kung sikat ang Isla ng Boracay dahil sa malaparaiso nitong tanawin, sumisikat rin ang Isla sa nakawan.

 Payo rin sa mga resort, hotel management at maging sa lahat ng establishemento komersiyal na maglagay ng SAPAT na CCTV cameras sa mga gusaling ito.

Huwag manghinayang sa pagpondo rito dahil ang balik nito ay tiwala ng mga bisita sa kanailang seguridad at proteksiyon. Higit na malaking kawalan, sa kabaliktaran, kung may takot at pangamba ang mga turista sa lugar.

Dagadagan rin ang mga nagbabantay na guwardiya sa mga establisyementong ito.

Sa mga tourist guide, bigyang aral ang mga turista sa mga senaryong ito ganoon rin ang gawin ng mga may-ari at mga tauhan ng resort at hotel.

Hindi rin masisisi ang mga pulis kung hindi nakikiisa at mapagmatyag ang mga negosyanteng ito at mga bisita.

Brgy tanod sangkot sa pambubugbog

Sangkot ang isang Brgy Tanod sa pambubugbog sa away ng dalawang tao na na nangyari Brgy Yapak, sa Isla ng Boracay madaling araw kahapon sa Plaza ng nasabing Barangay sa kasagsagan ng pagdiriwang ng kapistahan doon.

Ayon sa blotter entry ng BTAC o Boracay Tourist Assistance Center, papalabas na ang biktima sa nabanggit na plaza malapit sa stage ng bigla siyang hinampas ng bote ng isang lalake na tumama sa bibig nito.

Ang biktima nakilala kay Andyleon Genovia, 30 anyos, at residente ng nasabing baranggay.

Samantala nakilala naman ang suspek na una ng nanghampas ng botelya ng beer sa kanya na si Rex Aguire, residente rin ng nasabing lugar.

Gumanti naman ang biktima sa suspek ng paghampas ng sariling botelya nito sa kanya.

Sa kasagsagan, dumating ang mga kaanak ng biktima kasama ang Brgy. Tanod na nakilala kay Zaldy Aguirre na nagtulungan upang bugbugin ang biktima dahilan upang magtamo ito ng mga sugat sa iba-iabng bahagi ng kanyang katawan.

Sa panayam ng Radyo Birada! sa biktima, hindi nito alam kung ano ang naging ugat ng paghampas ng bote sa kanya ng naunang suspek.

Ibinaba naman ng kapulisan ang kasong ito sa Brgy Justice System ng nasabing lugar.

Opinyon: Kapalpakan, huwag pagtakpan

Photo courtesy of Google search

Isang linggo na ngayong Huwebes ng bumisita sa Isla ng Boracay si Congressman Teodorico Haresco ng probinsiya ng Aklan upang silipin ang ilang problema sa kaayusan ng lugar, kabilang na rito ang mainroad na nakatakdang laparan gayunman ay hindi parin nasisimulan.

Kabilang sa mga isyung kinakaharap sa pangunahing kalsada ng Boracay ay binabaha ito bagaman hindi nag-uulan, maliban pa sa masikip at baku-bako.

Ang nasabing pagbisita rito ng Kongresman ay para sana tukuying ang mga spisipikong lugar upang mapagtuonan ng pansin at mabigyan ng kaukulan at agarang aksiyon para sa paghahanda sa nalalapit na na APEC o Asia Pacific Economic Conference dito sa lugar pero anong nangayari--ang mabubuting tao, nagkandarapang pasipsipan ang mga bahaing lugar kaya naman pagdating ng kongresman, ayun walang nakita!

Bakit iyan ba ang solusyon? Tama, pansamantala puwedeng gawin yan pero ang pauli-ulit na lang, ay, nagpapakita nayan ng pagsasawalang bahala. Ibig sabihin pa, OKEY LANG!

O di naman kaya ay dala lang ng takot kaya pinagtakpan ang mga kabulukang ito!

Paano na iyan, talaga bang nagpaalaman ng Kongresman ang katotohan o di kaya'y nagmaang-maangan lang, mga taong akala mo'y matalino pero naging bobo!

Mga sangkot at kinauukulan, isipin natin kapag hindi ito nabigyan ng pansin, sana'y naisip niyo, malaking kahihiyan sa mga malalaking opisyal sa loob at labas ng bansa at matataas na tao na kalahok sa APEC pagdating nila.

Aminin man at sa hindi, ito ay kahihiyan na rin ngayon.

KAPALPAKAN HUWAG PAGTAKPAN!

Ipinadala ng isang concerned citizen

Boracay Island, Malay, Aklan

"Kulang ang kapulisan"--bagong hepe ng BTAC

"Kung sa sa akin lang ay kulang ang kapulisan dito sa Isla ng Boracay" ito ang pag-amin ng Officer-in-charge ngayon ng BTAC na si Police Senior Inspector Frensy C. Andrade sa panayam ng Radio Birada! sa kanya.

S/Ins. Frensy Andrade

Napag-alaman na 109 pulis ang kasalukuyang nakadeploy sa buong Isla kabilang na sa hepe nito.

Posible umanong ipapadala ang 20 pulis sa lugar sa susunod na linggo.

Ayon pa kay Andrade, kung saka sakaling hindi maipadala ang nasabing bilang ng mga pulis, mapipilitan umano siyang bawasan ang kapulisan na nakadeploy sa front beach ng Isla, upang italaga sa mga lugar na wala halos nagbabantay gayun man ay madalas parin pinapangyarihan ng insidente at aksidente.

Tinutukan kasi ng mga kapulisan ang front beach dahil ito ay mataong lugar at sentro ng maraming mga aktibidad.

Samantala, ipinahayag din niya ang mga dapat pagtuunan ng kanyang pamumuno kabilang na dito ang pagbababa ng mga nakawan at kriminalidad sa Isla.

Nabanggit rin niya na gagamit sila ng mga pulis na nakasuot ng civilian upang magmanman sa mga lugar na pinapangyarihan ng nakawan.

Maliban rito, binanggit rin niya ang mga paghahanda na ginagawa ng mga kapulisan para sa nalalapit na Asia Pacific Economic Conference o APEC sa Isla. nabatid na 700 pulis ang ipapadala ng region para rito.

Mensahe niya sa mga taumbayan na dapat ay magtulungan, "Nandito lang po kami, willing na willing maglingkod. Magtulungan lang po tayo... tulungan natin ang mga pulis," pahayag ni S/Ins. Andrade.

Opinyon: Ganyan na ba kabagal ang gobyerno?

Bagyong Yolanda

Isang taon at tatlong buwan na ang nakakalipas ng dumaan ang bagyong "Yolanda" sa probinsiya ng Aklan, at sa mga karatig probinsiya nito. Ito ang pinakamalakas na na bagyo na nangyari o tumama sa bansa sa kasaysayan ng mundo.

Maraming buhay ang nakitil. Maraming kabahayan at kabuhayan ang nasira. Masalimuot ang nangyari.

Ngunit tila bakit hanggang ngayon ay masalimuot parin ang buhay. Mahirap iwaglit ang pait ng nangyari kung ang tulong ng gobyerno ay para ring bagyo na nagwawasak ng tiwala.

Kagaya halimbawa sa Nabas, Aklan nagkandautang-utang ang mga tao para lang makakuha ng postal ID na kakailanganin umano upang makuha ang pinansiyal na tulong sa pabahay na P10K para sa partially damage at P30K para sa fully damage.

Ang pag-asa nga naman ng tao ay higit na sumigla para dito, pero kung gaano ka sabik ang mga ito, ay ganoon ding  pait at kalbaryo ng sabihing wala pa naman pala. Ito ay matapos pang magpila ng matagal.

Nangyari ito bago magpasko. Hay! Kawawang Pasko! Kawawang Bagong Taon!

Dumaan na ang isa pang malakas na bagyo na "Ruby" noong Disyembre ng nakaraang taon. Ilang bagyo pa ba ang hihintayin bago magising ang mga ito?

Hindi ba't sana'y matanggap mo ang tulong sa panahong kailangan mo ito. May kasabihan ngang "aanhin mo pa ang damo kung patay na ang kabayo."

Kaya ba mabagal ay dahil naghahanap pa ng butas kung paano makakadukot? Huwag naman sana. Kawawa ang mga mamamayan. Tama na ang dumaang bagyo.

Sana naman maging kasinbilis ng bagyong "Yolanda" ang tulong ng gobyerno!

Opinyon: Lingid sa kaalaman o pikit-mata na lang

Pebrero 2007 ipinatupad ng pamahalaang probinsiyal ang ordenansa sa pagbabawal ng anumang sasakyang pandagat na magkarga at magdiskarga ng pasahero kahit saan man sa Isla ng Boracay maliban na lamang sa Cagban Port, sa Brgy. Manocmanoc.

Eksklusibong larawan ng barge na dumaong sa Puka Beach.
Ang nasa larawan ay si Jimmy Bañares ng Radio Birada!

Ito ang tinatawag na one-exit one-entry ordinance. Ang lalabag sa ordenansang ito ay pagmumultahin ng P3,000.00 sa unang paglabag at dalawang libong peso sa bawat tauhan nito.

Itong Huwebes lang isang Kristine Marie barge ang dumaong sa Puka Beach sa Brgy. Yapak sa Isla. Karga nito o ikinarga sa lugar na iyon ang mga mabibigat na kagamitan. Nangyari ito umaga kung saan halos alas-dose na ng tanghali ito tuluyang nakaalis.

Hindi pa sana ito aalis kung walang dumating na coastguard. 

Ayon sa mga mamamayan doon hindi lang naman iyon ang unang beses na dumadaong doon ang nasabing barge.

Ngayon pikit-mata nalang ba ang mga opisyal ng nasabing barge.

Hindi ba't kapansin-pansin rin na walang bantay coastguard o tanod sa lugar na iyon gayung ito ay lugar na iyon gayung ito ay lugar na madalas daungan. Bakit kaya?

Ganoon na lamang ba kaluwang ang ordenansang iyon?

Ang pagdaong kasi ng mga sasakyang pandagat, lalu na ang mabibigat at malalki sa lugar, ay sumisira sa mapuputing buhangin, sa korales sa lugar at sa mga pinangangalagaang marine life doon. Nakakabuwesit o nakakadiskaril din kaya ito sa mga turista na masayang namamasayl at nagrerelax sa lugar.

Paano nalang kung tayong mga dapat ay nagpapatupad ay nagsasawalang-bahala dito?

Salamat na lang sa mga  mamayang inuuna ang kapakanan ng Boracay.

Sana naman ay mapostingan na ng coastguard ang area.

Sana rin naman ay huwag ng maging pikit-mata sa nangyayari ang mga opisyal ng lugar doon.###

Opinyon: E-trike ba ang solusyon?

Ang E-trike project ay isang inisyatibo ng LGU Malay sa pangunguna ni Mayor John Yap, na nagconciptualized ng ideya sa pagbuo sa Boracay bilang "e-trike island" simula nooong 2010. Ayon dito ang proyekto ay hindi lamang makakataas ng kapakinabangan sa mga drayber at operiytor  kundi makakabawas din ng polusyon sa hangin at ingay sa isla at dagdagatraksiyon pa sa mga dayuhan.

10 e-trikes mula sa Gerweiss Motors ay nagagamit na ng mga turista mula pa noong 2011. Ang durability ng mga e-trike na gawa sa fiberglass at mismong dinisenyo sa daanan ng Boracay ay napatunayan sa lahat ng mga yunit hanggang ngayon ay nag-ooperate. Ang Boracay e-trike ay dinibilop ng Gerweiss Motors na pinangunahan ng presidente at CEO nito na si Gerard Villoria, na nakatuon sa pangangailangan ng mga turista.

Ang e-trike ay maaaring makapagsakay ng 10 pasahero at maluwang para makapaglagay ng mga mabibigat na gamit gaya ng mga water sports equipment.

Nabatid na mahigit sa 500 mga tricycle ang kailangang mapalitan ng e-trike sa Isla. Kung mangyayari ito, na planong mapalitan lahat ng tricycle ang Boracay ay magiging kauna-unahan sa boung mundo na tourist destination na gumgamit ng e-trike.

Umaasa naman si Hon. Dante Pagsugiron, SB Malay e-trike committee chairman na ngayong taon tuluyan ng maface-out ang lahat ng mga traditional tricycle.

Bagaman maraming tricycle driver at operator ang umaalma dito, ang resulta ay magaganap lamang kapag tuluyan ng naganap ang proyektong ito.

Kung ito ang solusyon sa maingay na paligid bakit tayo kukuntra? ito ay makakadadag relaksisyon sa mga bisita sa Isla.

Kung ito ang paraan upang mabawasan na ang polusyon sa pinapangalagaang Isla, bakit hindi natin ito suportahan?

Kung ito ang kailangan para makadaradag pa tayo mga mandarayuhan, bakit tayo tututol?

Sana nga ay mangayri na itong taon.

Koreana ninakawan umano?

Labis ang panghihinayang ng isang Koreana matapos mawalan ng kanyang mahahalagang gamit na posibleng ninakaw.

Kagabi, habang nag-iinum ng kape , ang Koreanang si Kim Su Jin, 21 anyos, sa front beach sa Station 1  sa Isla ng Boracay, kasama ang kanyang kapatid, iniwan nito ang kanyang Galaxy Note 4 cellphone sa isang kalapit na bambo wave breaker.

Pagkatapos, umalis ang mga ito patungong Station 2 na direksiyon. Nang makalayo na ay naaalala ng Koreana ang kanyang cellphone na iniwan sa nabanggit na lugar.

Nang balikan niya ang nasabing area ay wala na itong nadatnan.

Hinihinalang ninakaw ito.

Ang nangyari ay minabuting ipinablotter ng turista sa Boracay PNP station o sa Boracay Tourist Assistance Center. 

Kasalukuyan namang inaalam ng mga PNP ang tunay na nangyari.

Turista nilooban sa kuwarto ng isang resort

Nagtataka nagyon ang dalawang turista matapos looban ang kuwartong tinutuluyan nila sa isang resort sa station 1, Balabag, Boracay Island noong isang araw gayung nakalock naman ang pinto at bintana nito.

Ang mga biktima kinilala kian Lito Ribo, 30 anyos, residente ng Nueva Ecija, at Rogine Villarosa, 30 anyos mula Parañaque City at pawang mga turista sa lugar.

Nang gumising alas-7:00 ng umaga, napag-alaman ng biktima na nawawala na ang dalawang cellphone nito na una niyang nilagay sa mesa. 

Agad naman niya itong ipianaalam kay Lito ang nangyari. Saka nalaman ng huli na nawawal rin ang pere niyang isang libong peso na nakalagay sa kanyang belt bag.

Napag-alaman din na nakuha rin mula sa wallet ng babae ang P6, 000.00.

Mariin namang ipinahayag ng babaeng biktima na ikinandado niya ang kanilang kuwarto alas-11 ng gabi.

Iniimbestigahan pa ng BTAC PNP ang nasabing pangyayari.

Porter sinaksak umano ng isang construction worker

Pinagtulungang bugbugin ng tatlong construction worker ang dalwang porter, matapos magkaroon ng pagtatalo sa Cagban Port, Brgy. Manocmanoc, sa Isla ng Boracay kaninang madaling araw.

Kinilala ang mga porter na sina Alexaner Gumboc, 22 anyos, at Wilmer Yano, 49 anyos.

Kinilala naman ang mga porter na sina Mark Tibio, 26 anyos, Rios Maming Ostan, 36, at Raymond Tibio Solis, nasa legal na edad, at lahat ay kasalukuyang nakatira sa parehong lugar na pinangyarihan ng insidente.

Habang sinusubukang awatin ng mga tao roon ang komosiyon sa dalawang panig, sinaksak pa umano ni Wilmer si Raymond matapos ng isang matalim na bagay saka ito tumakbo papalayo sa hindi malamang direksiyon.

Nagtamo naman ng ilang sugat si Alexander Gumboc sa nangyaring alitan.

Ngayon ay nasa kustodiya na ng BTAC o Boracay Tourist Assistance Center police station ang mga nasabing suspek.

Binata nalunod sa beach, hanggang ngayon pinaghahanap parin

Jawili Beach, Tangalan

Pinaghahanap parin ng mga provincial at municipal rescuers ang isang binata na nalunod sa Jawili beach sa bayan ng Tangalan kahapon ng hapon.

Kinilala ang biktima na si Benjie Marte, 16 anyos.

Base sa inisyal na imbestigasyon ng Tangalan PNP, nagkaroon umano ng victory party ang kasamahan ng binata sa kanilang grupo na Black Beauty Boys sa kanilang pagkapanalo sa tribal contest ng Kalibo Ati-atihan ito lang nakaraang buwan.

Napag-alaman na naligo ang biktima na nakapantalon lamang. Nabatid rin na malakas ang alon sa dagat na maaring dahilan ng pagkalunod nito.

Lalaki binugbog ng magkakapatid; suspek kalabuso"

Nasa kustodiya na ngayon ng mga kapulisan ng Boracay Tourist Assistance Center ang magkakapatid na ng bumugbog ng isang lalaki na naganap kaninang madaling araw sa Station 3, Manocmanoc, sa Isla ng Boracay.

Ang biktima nakilala kay Isagani De Asis Y Salde, 34 anyos, at nakatira sa lugar kung saan nangyari ang insidente.

Kinilala naman sa blotter entry ang magkakapatid na suspek sa pambubugbog na sina Kim at Nico Casimero at nakatira sa parehong lugar ng sa biktima.

Ayon sa imbestigasyon, binugbog umano ng magkakapatid ang biktima dahilan upang magtamo ito ng ilang sugat sa kanyang katawan sa hindi nalalamang dahilan.

Pinagbataan pa umano ito matapos ang pananakit sa biktima na mas matindi pa ang aabutin nito sa mga susunod na pagkakataon.

Inawat naman ng mga tao roon ang nasabing pambubugbog.