Alyansang Scrap MC24 muling mag-aaklas sa Abril 8

Kasabay ng ika-17 buwan nang nanalasa ang bagyong Yolanda, at bisperas ng kasirinlan ng bansa, mapupuno na naman ang Pastrana Park sa Kalibo, Aklan, ng mga aktibistang grupo at mga taumbayan na hindi sang-ayon sa DSWD MC24.

photo courtesy of Rise Up Aklan

Mangyayari ang nasabing rally sa Abril 8, 2015. 

Ang alyansang ito ay nabuo noong Marso 19 at patuloy na nilalahukan ng mga Local Goverment Executives, Kalibo Diocesan Action Center, Federation of Kalibo Tricycle Operators and Drivers Association (FOKTODA), Progressive Organization na pinapangunahan ng Bagong Alyansang Makabayan (BYAN-AKLAN) at ang organisasyon ng Yolanda survivor ang RISE UP AKLAN.

Sa panayam ng Radyo Birada! Boracay, ipinaabot ni Mr. Kim-Sin F. Tugna, Provincial Coordinator ng RISE UP AKLAN, na nakatakdang magpulong ang lahat ng mga rehiyong naapektuhan ng Yolanda kaugnay ng pagpasa ng petisyong buwagin o alisin ang Memorandum Circular 24 ng DSWD.

Ayon pa sa kanya, ito ay hindi umano makatarungan at makatao.

Ang MC24 ay atas na ipinasa ni Sec. Dinky Soliman ng DSWD na nilagdaan ng Pangulong Aquino na nag-aalis sa lahat ng mga biktima ng bagyong Yolanda na sumasahod ng 15, 000 pesos bawat buwan at lahat ng mga biktima na kabilang sa tinatawag nilang danger zone at lahat ng mga apektado na tumanggap na ng tulong mula sa mga non goverment organization.

Paliwanag pa nito na lahat ng tao ay nasailalim ng obligadong pagbabayad ng buwis kaya naman dapat umano lahat ay makatanggap ng tulong na ito dahil lahat naman ay nasalanta o dinaanan ng bagyong ito.

Umaasa parin ito na makakalap ng marami pang petisiyon mula sa mga munisipyo sa Aklan sa pakikiisa sa panawagan at kilusang ito.

Opinyon: Tigilan bago lumubog!

Sabi ng isang turista sa kanyang tourguide, "ipinababatid sa kanya ang naging karanasan nito sa  pagbisita sa Isla ng Boracay:

Ang kontrobersyal na West Cove resort na nag-ooperate na walang mga kaukulang permit.

"Ito ba ang tinuturing niyong paraiso? Ito ay isang lungsod, sa dami ng gusali. 

"Dahil dito malamang ay hindi na ako babalik sa Boracay."

Taong 2006 pa nang pumutok ang balita at usap-usapang unti-unti na umanong lumulubog sa karagatan ang worl class tourist destination na Isla ng Boracay dahil sa hindi makontrol na pagtatayo ng mga gusali sa resort na hindi isnusunod sa batas at kakulangan ng "maayos na drainage system."

Pero hanggang ngayon wala paring nababahala rito.

Ayon sa Tourism Infrastracture and Economic Zone Authority o TIEZA na pangunahing problema ng Boracay ang pagbabaha sa mabababang lugar sa Isla. Resulta umano ito sa hindi pagtalima ng mga negosyante sa "building code" at mga ordenansa sa pagtatayo ng mga hotel at mga resort.

Sinasabing malapit na umanong maging kritikal ang sitwasyon ng pagbabaha sa Boracay kung saan malaking bahagi ng Isla ang maaaring maging bahagi ng dagat kung hindi agad maaksuyan ang sistema sa drainage.

Paano naman ang mga imbestor na nagpapatayo ng mga gusaling walang permit.

Mas mahirap yata kung isang empleyado ng lokal na pamahalaan ay naglalabas ng mga pekeng building permit.

Salamat at natanggal na kamakailan si Alan Beguija, empleyado ng munisipyo ng Malay na matapos mapag-alamang naglabas ng mga pekeng permit sa ilang mga gusali sa Isla ng Boracay.

Ang mga ganitong situwasyon ang nagpapalala sa Isla ng Boracay. Dapat namang managot ang managot. Dapat naring tigilan ang walang humpay na pagtatayo ng mga gusaling ito.

Huwag na nating hintayin pang lumubog ang Isla bago tayo magsisi.

Opinyon: Bigtime na naman ang Aklan

Nanguna ngayon ang lalawigan ng  Aklan sa may pinakamalaking kita sa buong rehiyon ng Western Visayas sa turismo ng taong 2014.

Kabuuang P87.7 bilyon ang kita ng Western Visayas noong nakaraang taon, ayon sa Department of Tourism (DOT)-6.

Nakapagtala ang Aklan ng P43.78 bilyon kung saan ang malaking kita nito ay nagmula sa 1.472 milyon na turista na nagbakasyon sa Boracay.

Pumapangalawa rito ang Bacolod sa kitang P12.8B, sinundan ng Iloilo City na may P12.26B.

Ang natitirang P18.88B ay nagmula sa pinagsama-samang kita ng mga probinsiya ng Negros Occidental, Iloilo, Guimaras, Capiz, at Antique.

Lalu ngayong taon, bigtime na naman ang Aklan dahil sa Isla ng Boracay. Magiging record-breaking kasi ang pagdagsa ng turista kapwa lokal at international ngayong summer season.

Magsisimula ito sa Mahal na Araw o semana santa na kung saan Isla ng Boracay ang target ng mga milyung bakasyunista para magbakasyon kasama ang kanilang mga pamilya at kaibigan mula sa trabaho, eskuwela, at pangingibang bansa.

Mahigit isang buwan nalang ay darating din ang mga kalahok sa Asia Pacific Economic Cooperation (APEC) summit dito sa Isla kung saan gaganapin ang kanilang dalawang magkahiwalay na ministerial meeting.

Matatandaan na una naring naghost ang ang Boracay sa pulong ng Supreme Court Chief Justices ng Association of Southeast Asian Nations para sa ASEAN integration.

Malaking selebrasyon din ang ginagawa tuwing Mayo 1, ang tinatawag na "Laboracay". Ito ay summer party celebration kung saan dinadayo pa ng ialng sikat na mga foreign at local tourist dahil sa magdamgang beach party.

Kaya namaN abala na naman ang mga opisyal ng lokal at probinsiyal na pamahalaan ng Aklan.

Bigtime na naman ang Aklan! Aming panawagan sana sa mga opisyal ay bigtime rin ang pagsasaayos ng mga kalsada, drainage system, daungan, at mga tanggapan ng pamahalaan dito sa Boracay--ang bread winner ng Aklan.

Utos ng CA sa Boracay sinuway

(Tina Mendoza)

Sinuway umano ng Friday’s Holdings, Inc. (FHI), subsidiary ng Boulevard Holdings, Inc. ng umano’y pamilya Panlilio, ang desis­yon ng Court of Appeals (CA) nang pasukin umano ng kumpanya ang lupain sa Boracay na pagmamay-ari ni Mila Yap-Sumndad noong Marso 13.

Sa pangunguna ni She­riff Melanie Z. Nanit, pinasok umano ng mga tauhan ng FHI ang pag-aari ni Mila Yap-Sumndad sa Boracay Station 1, bukod pa umano sa pagsira ng ilang kagamitan at pana­nakot sa ilang empleyado nito, may mga pagnanakaw pa umanong nangyari.

“Natakot ako sa mga ginawa nina Sheriff Nanit. Wala silang BREAK OPEN ORDER at tahasan silang pumasok, may mga dala pang mga maso, martilyo at iba pang kagamitan ang mga tauhan nila, may pulis pa na naglabas ng baril,” ani Mila Yap-Sumndad. “Nakakagulat na ang isang kum­panyang kasing-laki ng Boulevard Holdings eh ka­yang-kayang suwayin ang utos ng Court of Appeals. Paano na lang kaming mga lehitimong may-ari ng lupa dito sa Boracay?”

Sa isang resolusyong inilabas noong Disyembre 10, 2014, pinigil ng CA ang FHI at si Judge Rommel O. Baybay ng Regional Trial Court (Branch 132) ng Makati, mula sa pagpapatupad ng writ of execution na inilabas noong Pebrero 3, 2014 ng Makati RTC Branch 132. Ang nasabing writ of execution ay nagmula sa July 22, 2009 desisyon ng trial court kung saan ipinatutupad ang pagbenta umano ni Atty. Daligdig A. Sumndad ng pag-aari ni Mila Yap-Sumndad sa Boracay sa kumpanya ng mga Panlilio.

Si Atty. Sumndad ay ang hiwalay na asawa ni Mila Yap-Sumndad.

Ayon kay Mila Yap-Sumndad, pineke ang pirma niya sa Compromise Agreement sa pagitan ni Atty. Sumndad at ng FHI. Ang pagpeke ng pirma ni Mila Yap-Sumndad ay kinumpirma ng Crime Laboratory ng Camp Crame matapos ang isang masugit na pagsisiyasat. 

http://www.abante-tonite.com/issue/mar3115/news_story07.htm#.VRoUO_mUcWE

Estonian National nasalisihan

Nasalisihan ang isang Estonian national ng isang hindi pa nakikilalang suspek habang nakikipag-usap ito sa  D'mall Brgy.Balabag Isla ng Boracay ng takip-silim.

Ang biktima ay kinilalang  si Annely Uukivvi, 25 taong gulang at pansamantalang naninirahan sa Sitio Bolabog,Brgy.Balabag Isla ng Boracay.

Ayon sa salaysay ng biktima, lumapit ang isang persona para tanungin ang  biktima sa oras ay biglang may humablot nang kanyang  bag nang tinangkang kunin nang naturang biktima ang celphone sa bag nito. 

Sinubukang pang habulin niya ang supek subalit hindi na nya ito naabotan. Hindi namukhaan ng nasabing biktima ang suspek na nabanggit dahil sa bilis nang pangyayari.

Ang bag ay naglalaman ng isang Nikon Camera color black with 18-55 lense, isang Nikon extra lense 70-200,Memory card 16 GB at extra filter.

Ang kasong ito nasa ilalim nang imbestigasyon ng mga kapulisan ng Boracay PNP.

Opisina ng MRF nilooban; suspek timbog

Sa kulungan ang bagsak ng suspek sa pagnanakaw ng tipbox na naglalaman ng hindi pa nabilang na halaga ng pera na naglalaman ng kapwa barya at peso bill sa opisina ng MRF sa Brgy. Balabag, Isla ng Boracay.

Dakong 12:30 ng madaling araw napag-alaman ni Jay Coching y Manuel, 23 anyos, napag-alaman nito na nawawala na ang tipbox na yari sa glass gallon.

Nakita na lamang ng isang truck driver na si Gelbert Magbato na ang nasabing tipbox ay basag na sa harap ng mini bulldozer sa loob ng bakuran ng MRF at nagkalat na ang mga barya na may bakas ng dugo, marahil dugo ng suspek matapos masugatan sa binasag na tipbox.

Positibo namang kinilala ni Maharin Ortega nag suspek matapos nakita nito ang kahihinalang pagpasok sa opisina at sa kanyang paglabas na may tinatago sa loob ng kanyang tshirt banda 11:30 ng gabi. Agad naman nitong ipinagbigay alam ang kanyang nakita kay Jay Coching.

Sinubukan pang hanapin ni Coching ang suspek sa bakuran ng MRF pero sa huli ay nakita nito ito sa labas na kumakain sa isnag restaurant sa nasabing Barangay.

Ang susepk ay dinala muna sa MRF office saka inaresto ng mga rumespondeng kapulisan ng Boracay at ngayon ay nasa kustodiya ng Boracay PNP station para sa kaukulang disposisyon.

Napag-alaman na ang suspek ay nasa ilalim ng nakalalasing na inumin.

Dalawang Chinese national ninakawan sa kuwarto

Luhuan ng dumulog sa Boracay Tourist Assistance Center PNP station ang dalawang Chinese national na pawang bakayunista sa Isla ng Boracay ito ay matapos silang manakawan sa loob mismo ng tinutuluyan nilang resort sa So. Bolabog, Brgy. Balabag, Isla ng Boracay.

Nagising na lamang ang dalawang bisita na hindi manlang napansin ang panloloob sa kanila. Nakilala ang dalawa na sina Yin Hung Yuen,babae, 39 anyos, at Min Cheng, lalaki, 36 anyos.

Base sa ulat ng PNP blotter, nakuha sa babae ang kanyang Hong Kong ID, humigit-kumulang P10, 000, daimond ring, credit card. Samantala, nakuha naman kay Meng Cheng ang Hong Kong ID, Hong Kong dollar na nagkakahalaga ng humigit-kumulang 2, 000, at humigit-kumulang na 200USD, at humigit-kumulang P20, 000, at isang credit card.

Ayon sa mga biktima, hindi umano nila mailock ang bintana ng kanilang kuwarto kaya iniwan na lamang itong bukas bago natulog.

Ang pagkakilanlan ng suspek ay kasalukuyan pang inaalam ng mga kapulisan.

Bayarin ng kuryente sa Akelco bumaba

Bumaba ngayon ang bayarin ng kuryente sa AKELCO (Aklan Electric Cooperative, Inc. ) ngayong buwan ng Marso, 2015 ayon sa abisong inilabas at nilagdaan ng Officer-in-charge nito na si Engr. Pedro G. Nalangan, IV.

Para sa mga residential consumer, tinapyasan ng P0.0394/kwh ang bayarin  mula sa nakaraang buwan na P10.8042/kwh. Bunga nito ang babayaran na lamang ay P9.8973/kwh. Samantala, para naman sa mga commercial consumer, ang babayaran na lamang ay P9.8577/kwh mas mababa ng P0.0396 kumpara sa nakaraang buwan ng Pebrero na P9.8973/kwh.

Samantala, paalala ng pumunuan ng AKELCO na maging responsable sa paggamit ng kuryente lalu ngayon tag-init na maaaring maging dahilan ng pagtaas ng bayarin dahil sa malaking pangangailangan sa elektrisidad.

Dagdag pa rito, pinaalalahanan din ang publiko na ang rate per kilowatt hour ay maaring magtaas-baba depende sa mga kadahilanang kaugnay rito gaya ng mga generation charge o halaga ng elektrisidad, presyo ng WESM , System Loss at ang mga kahalintulad.

Magkatrabaho sa isang resort nag-counter blotter matapos magbugbugan

Sabay na nagcounter blotter ang dalawang trabahante ng isang resort sa BTAC o Boracay Tourist Assistance Center matapos nagbugbugan sa isang bar sa Brgy Manocmanoc, Isla ng Boracay kagabi dahil lamang sa mga biruan.

Ang mga ito ay nakilalang sina Regine Tulugan, lalaki, 20 anyos at Joderick Librando, 28 anyos, isang steward. Ang dalawa ay pawang mga trabahante ng isang sikat na resort sa Isla ng Boracay partikular sa Brgy. Manocmanoc.

Ayon sa salaysay ni Regine habang nag-iinuman sa bar kasama ang dalawa pa nilang kasamahan sa trabaho, bigla umano siyang sinuntok ni Joderick sa kanyang mukha at kumuha pa umano ito ng matulis na bagay na itinutok niya sa leeg ni Regine. Nanlaban umano si Joderick ng suntukin nito ang nakaaway at pareho umano itong natumba.

Sa kabilang banda sa salaysay naman ni Joderick na hinampas umano siya ng bote ni Regine sa noo dahilan upang magtamo ito ng sugat at matumba. Nagtamo rin ng sugat ang kanang taenga nito. Agad naman umanong tumakbo si Regine para magtago.

Sa huli, habang nasa istasyon ng pulis nagkaayos ang dalawa at pananagutan ni Regine ang pagpapagamot sa kanyang nakaaway.

Lalaki tinangay ang 50K na dapat pansahod sa mga trabahador

Hindi na matagpuan pa ang isang lalaki pinagkakatiwalaan upang magpasahod sa mga trabante sa isang construction sa Brgy. Balabag ito ay matapos niyang tangayin ang pera ng may-ari na dapat ay suweldo ng mga tao.

Ayon sa salaysay ni Wilhelmina Baltazar, 48 anyos, may-ari ng nasabing construction, kasama si John Jun Cabading, 44 anyos, katiwala ng may-ari, humingi umano ng perang 50, 000.00 pesos ang suspek kasama si Cabading pansahod ng mga tao. 

Pinadala naman ng may-ari ang pera sa pamamagitan ng isang pera padala na natanggap ng suspek. 

Laking gulat nalang ng may-ari ng sugurin siya ng mga trabahador dahil di pa umano sila nasasahuran. Dito napag-alaman ng may-ari na tinangay ng suspek ang pera.

Lumalabas pa ayon kay Baltazar, na dapat umano siyang managot sa nangyari o kung hi

ndi ay ipaparating nila ito sa DOLE o sa Radio Birada! para sa kaukulang aksiyon base sa text na natanggap nito.

Nasa imbestigasyon pa ng mga kapulisan ang pagkadakit o pagkahuli sa suspek.

German national binugbog ng tatlong lalaki

Binugbog ng tatlong hindi pa nakikilalang mga lalaki ang isang German national sa Station 1, Brgy. Balabag Isla ng Boracay kaninang madakling araw.

Salaysay ng biktima na si Guangtu Zuo, 30 anyos at presenteng naninirahan sa isang resort sa Brgy. Balabag, na bigla na lamang umano siyang tinambangan ng tatlo sa daan habang naglalakad ito. Sinuntok umano siya ng isa sa kanang tainga dahilan para magtamo ito ng pananakit.

Bigla namang tumakas ang mga suspek patungo sa Station 2 na direksiyon. Sinubukan pang habulin ng biktima ang mga ito pero hindi na niya ito nakita pa.

Sa follow-up investigation ng kapulisan, napag-alaman na walang testigo o nakakita sa nangyari bagaman natukoy kung saan ang iksaktong lokasyon ng pinangyarihan ng insidente.

Ang kasong ito ay nasa imbestigasyon pa ng kapulisan ng Boracay PNP station.

Lalaki binugbog ng kainuman dahil sa selos

Bugbog ang inabot ng isang 43 anyos na lalaki sa kanyang mga nakainuman matapos itong pagselusan ng isa sa mga suspek dahil umano sa paghilud nito sa likod ng kanyang asawang babae kahapon sa Brgy. Yapak, Isla ng Boracay.

Ang biktima nakilala kay Rexon Mariano y Claud, 43 anyos at residente ng So. Din-iwid, Brgy. Balabag sa nasabing Isla. Samantala nakilala naman ang mga bumugbog sa kanya na sina Roger Bakunawa at Bobby Salonga, nasa legal na edad at pawang naninirahan sa So. Hagdan sa pinangyarihan ng insidente.

Ayon sa salaysay ng biktima police blotter ng Boracay PNP station, dumalo ito ng birthday party ng anak ng suspek na si Bakunawa. Dahil sa kalasingan ay natulog ito sa balkunahe ng bahay ng suspek. Habang natutulog di umano ay binugbog ito ng dalawang nabanggit na mga suspek dahil upang magtamo ito ng pananakit sa katawan.

Ang nasabing kaso ay ibinaba ng nasabing istasyon ng pulisya sa Brgy. Justice System.

33 anyos na lalaki huli sa kasong pagtutulak ng druga

Hindi na nakapalag pa ang isang 33 anyos na lalaki na may warrant of arrest sa kasong paglabag sa RA 9165 o pagtutulak ng druga matapos mahuli ng pinagsanib-puwersa ng kapulisan ng Iloilo at Boracay kahapon sa So. Bolabog, Brgy. Balabag, Isla ng Boracay.

Ang lalaki ay nakilala kay Anthony Aparecio y Concepcion, tubong Brgy. Tabucan, Barutac Nuevo, Iloilo at kasalukuyang naninirahan sa nabanggit na lugar.

Hinuli ang lalaki sa bisa ng warrant of arrest na nilagdaan ni Hon. Rene S. Hortillo, assisting judge ng RTC 6th Judicial Region branch 68, Dumangas, Iloilo noong June 18, 2014.

Ang kapulisan ng Iloilo ay pinangunahan ni PSI Roy Rodrigo Gutierez, platoon leader ng 3rd Manuever Platoon ng Iloilo Provincial Public Safety Company. Pinangunahan naman ni PSI Fidel Gentallan sa ilalim ng direktang superbisyon ng OIC PSI Frensy Andrade ang mga tauhan ng BTAC o Boracay Tourist Assistance Center.

Ang suspek ngayon ay nasa lock-up cell na ng Boracay PNP station habang inihahandang dalhin sa nabanggit na korte sa kaukulang disposisyon. Nabatid na ito ay walang kaukulang piyensa.

Cellphone shop ninakawan; magnanakaw huli sa CCTV

Napasok ng magnanakaw ang isang gadget shop sa Isla ng Boracay partikular sa So. Manggayad, Brgy. Manocmanoc kagabi. 

Nakuha rito ang isang yunit ng cellphone na nagkakahalaga ng halos 11, 000. Ang nasabing cellphone na ibinibenta ay nakadisplay sa naturang shop.

Napag-alaman sa kuha ng CCTV sa lugar na isang hindi nakikilalang lalaki na nakasuot ng sumbrero ang kumuha sa nasabing gadget.

Ang pangyayaring ito ay mianbuting ipinarekord ni Ramil Fernando, 36 anyos, at residente ng nasabing lugar. 

Babae na may mga saksak sa katawan natagpuang patay

Patay na ang isang babae nang matagpuan sa isang bakanteng lote sa So. Lugutan, Brgy. Manocmanoc, sa Isla ng Boracay kahapon matapos itong magtamo ng ilang pananaksak sa katawan.

Nakilala ang biktima na si Dona Vivas, 26-30 anyos, at tubong Leyte at presenteng naninirahan sa nabanggit na lugar. 

Ayon sa blotter entry ng Boracay Toursit Assistance Center o BTAC na unang natagpuan ang patay na katawan ng babae banda 5:30 umaga. Una rito may mga nakarinig na residente 2:30 ng madaling araw may narinig umano silang nagsisigaw na babae sa kalapit pero hindi na ito pinansin.

Ipinagkatiwala naman ng mga kapulisan ang bangkay sa SOCO Boracay Sattelite Office para sa pag-utopsiya ng bangkay.

Samanatala, pinag-aaralan na ng mga kapulisan ang motibo ng pagpatay sa babae.

60 anyos na babae nahuli sa kasong pagnanakaw at estafa

Nahuli ng Boracay PNP ang isang 60 anyos na babae sa So. Manggayad, Brgy. Manocmanoc, Isla ng Boracay sa kasong pagnanakaw at esatafa.

Kinilala ito kay Eden Bersaba y Rollon na ninirahan sa nabanggit na lugar.

Ang nasabing persona ay inakusahan ng pagnanakaw na inihain noong Nobyembre 2013 na may piyansang 12, 000 pesos at estafa na unang inindorso Hulyo 2014 na may piyansang 6, 000.00. Ang mga warrant of arrest ay inilabas ni Hon. maribel Cipriano, assisting judge ng 5th MCTC, 6th Judicial Region, Buruanga-Malay.

Ay suspek ay nasa kustodiya na ng istasyon ng nasabing lugar.

58 anyos na lalaki pinagsasaksak; suspek kulong

Nagtamo ng ilang sugat sa katawan ang isang 58 anyos na construction worker na lalaki matapos itong pagsasaksakin ng suspek kagabi sa isang konstruksiyon area sa Brgy. Balabag, Isla ng Boracay.

Batay sa report ng BTAC o Boracay Tourist Assistance Center, nakikipagkuwentuhan umano ang biktima sa kasamahan nito sa trabaho sa ginagawang gusali ng mangyari ang insidente. Ang biktima ay nakilala kay Eliseo Dela Cruz y Montales, 58 anyos at tubong Negros Occidental.

Bigla umanong dumaan ang suspek na si Rogie Casilagan y Compasion, aka Panoy, 34 anyos at tubo rin ng Negros Occidental, construction worker din ng ibang kompaniya, nang bigla nitong pinagsaksak ang biktima sa di malamang dahilan at tumakas.

Isinugod naman sa lokal na pagamutan ng CSTH memorial hospital ang biktima upang malapatan ng kaukulang paggamot.

Habang ang mga kapulisan ay nagsagaw ng agaran hot pursuit operation na nagresulta naman sa pagkahuli ng suspek sa Station 2

sa Isla ng Boracay at ngayon ay nasa kustodiya na ng Boracay PNP station.

Boracay parin!

Noong nakaraang linggo lang ay tinanghal ng Malaysian Association of Travel and Tours (MATT) ang Boracay bilang Best Beach Tourist Destination.

Itong taon rin tinanghal naman ng Asia's Trip Advisory ang Boracay bilang nangungunang destinasyon sa sampung napilian na mga beaches sa buong Asya.

Boracay parin! Ito ay sa kabila ng mga isyung lumalabas kaugnay sa kalinisan at kaayusan ng Isla ito lang na mga nagdaang linggo. Isa na rito ang naiulat na ang tubig sabaybayin ng Isla ng Boracay partikular sa Bolabog beach ay kuntaminado ng colliform bacteria.

Tumaas rin ang bilang ng mga turista na dumadayo sa uang dalawang buwan kumpara sa nakaraang 2014. Nangunguna rito ang mga Koreano at sinundan naman ng mga Tsino, ito ay sa kabila rin ng Travel ban na inilabas ng gobyernong Tsina.

Dumarami narin ang mga turistang Malaysian, ang pinakabagong mga turista dito sa Isla. Matatandaan na noong nakaraang taon ay nagtungo sa Malaysia ang ilang mga lokal na opisyal ng Malay kasam ang mga opisyal ng Department of Tourism region VI upang makipagkasunduan pangangalakal sa mga tagaroon sa ating bansa partikular sa Western Visayas.

Salamat naman at sa kabila ng mga isyung kinakaharap ng Boracay ay nangunguna parin ito sa mga lokal at international na mga bisita. Kahit pa na mayroon mapagsamantalang mga tricycle driver na sobra-sobra maningil, tindero-tinderang mapagsamantala sa presyo. Isyu rin ng mga baku-bako at bahaing kalsada, at nakakadismayang tambak at kalat rito, kalat-doong mga basura.

Salamat naman! Lalu't naalis na ang mga komisyoner sa front beach ay maiiwasan naring madismaya at matakot ang mga turista mula sa mga mapagsamantala sa kanila.

Nawa ito ay senyales na tulo-tuloy na katanyagan at pag-usbong ng Isla at huwag itong abusuhin. Pagtutulungan nawa ng bawat isa ang pagpapanatili ng kaayusan, kalinisan at katahimikan ng pinakamgandang beach sa mundo-- Boracay parin!

Opinyon: Hindi handa o hindi nakapaghanda

Matibay ang paninindigan ng Department of Education ni Secretary Armin Luistro, na simula sa susunod na taon ng paaralan ay itutuloy na ang K-12 program.

Gayunpaman, tutol rito ang pamunuan ng Alliance of Concerned Teachers (ACT) sa pangunguna ng national chairman nito na si Benjie Valbuena.

Kapag naituloy na kasi o pilit ipatupad ang K-12 ay mawawalan ang libu-libong mga guro. Dagdag pahirap din ito sa mga magulag at mismong mga estudaynte ang dagdag na tatlong taon na palnong i-full implementation ng DepEd sa susunod na taon.

Sa ilalim ng programa, mandatory na sa mga kabataan na pumasok muna sa kinder, naim na taon sa elemnetarya, apat na taon sa junior high school at dalawang taon sa senior highshool bago magkolehiyo.

Totoong napag-iiwanan na sa 'requirements' ang ating mga mag-aaral at professional kumpara sa ibang bansa dahil hindi pa naipapatupad ang K-12 dito.

Kaya lang, hindi pinag-aralan at pinaghandaan ang nasabing programa. Hindi sa hindi handa ang Pilipinas para dito. Unang-una, dapat inasikaso ng pamahalaan kung saan nila itatapon ang mga guro at empleyado ng mga paaralan lalu na ng kolehiyo para naman hindi sila mawalan ng trabaho.

Kasabay rin dito ang dapat sana'y pinalwak na programa ng iskolarsyip ng pamahalaan para iwas pasanin naman sa dagdag gustusin ng mga magulang at estudyante ang ganito kahabang pag-aaral.

Kung ganito lang naman ang sistema, ang layuning mapataas ang kalidad ng edukasyon o pag-aaral sa pamamagitan ng K-12 program taliwas naman sa kalgayan ng nasa gobyerno--sila muna kaya ang mag-K-12 para naman mapag-aralan nial ng husto ang situwasyong ito.

Samakatuwid, ang pamahalaan ay hindi pa nakapaghanda.

American national pinagsisipa ng 2 bouncer

Nagtamo ng mga sugat sa katawan ang isang American national matapos pagsisipain ng 2 bouncer sa isang bar sa Brgy. Balabag, Isla ng Boracay, Malay, Aklan kagabi ng hating gabi.

Ayon sa biktima na kinilala kay Michael Helton, 24 anyos at isang turista sa Isla, habang ito ay nasa counter ng isang bar sa nabanggit na lugar, hinigaan umano ito ng isang bouncer ng bayad. Bagay na tinanggihan ng American national dahil hindi naman umano ito nagsayaw sa dance floor.

Dahil rito, minabuti ng biktima na umalis sa naturang lugar. Hindi nito akalain hinila ng bouncer ang kanyang mamahaling damit habang ito ay nakatalikod at doon na pinagtulungan kasam ng isa pang bouncer na pagsisipain ang biktima.

Nagtamo ng sugat sa kaliwang braso, sa kaliwang likuran, at sa kanyang ari.

Kinilala naman ang mga bouncer na ito na sina Darrel Laureño, 22 anyos, at James Tangal, 24 anyos.

Iniimbestigahan pa ng mga kapulisan ang nasabing kaso.

Russian national nawalan ng pera sa safetybox ng kanyang kuwarto

Nakapagtatakang nawalan ng pera ang isang Russian National sa loob ng safety box o vault sa loob pa mismo ng kanyang kuwarto sa isang resort sa D' Talipapa, Brgy. Balabag, sa Isla ng Boracay.

Ayon sa report ng Boracay PNP station, nawalan ng P15, 000.00  at USD110 ang biktima na kinilala kay Evgenii Semenov, lalaki, 27 anyos. Inilagay umano niya sa naturang box ang perang nagkakahalaga ng P37, 000.00 at USD110 nang ito ay mag-check-in sa nasabing resort at nakasecured ng password at lock. 

Laking gulat nito ng kahapon ng hapon na nang buksan nito ay P22, 000.00 at USD30 nalang ang natira dito.

Sa imbestigasyon ng mga kapulisan, walang CCTV camera sa lobby ng resort. Napag-alaman rin na wala manlang nakitang pamumuwersa sa pinto, bintana at maging sa vault. Nabatid na ang may kopya ng susi ng kuwarto ang front office officer na nasa kanilang kontrol at tanging ang housekeeping lamang ang puwedeng pumasok rito.

Ayon naman sa housekeeper ng resort, hindi ito an unag beses na nangyari ang magkatulad na insidente sa lugar kaya marami umanong mga naunang empleyado na ang umalis rito.

Wala namang matibay na ebedinsiya ang imbestigador sa kasong ito para malaman ang magnanakaw gayunman ay hindi nila isansantabi ang posibilidada ang katotohanan na ang ganoong halaga ng pera na nawawala ay talagang nandoon.

Inirekomenda naman ng mga kapulisan na magkaroon ng polygraph test sa bawat taong presente sa lugar at panahon ng mangyari ang naturang insidente upang matukoy ng imbestigador ang posibleng magnanakaw.

Pasahero tumilapon mula sa tricycle

Nahulog sa tricycle ang isang pasaherong sakay nito dahilan upang magtamo ito ng ilang sugat sa iba-ibang bahagi ng kanyang katawan partikular sa kaliwang paa nito.

Ayon sa salaysay ng driver na si Renante Flores y Aquino, 29 anyos, at tubongNabas, Aklan, na 11:30 ng gabi nang napadaan ito sa So. Tulubhan, Brgy. Manocmanoc sa Isla ng Boracay kung saan nagyari ang aksidente. 

May nakaharang kasing signage sa gitna ng kalsada na under construction ng Boracay Water Sewerage System (BWSS) sa nasabing lugar dahilan na tangak nitong iniwasan gayunpaman ay nasagi niya ang nasabing signage dahilan upang matilapon ang isa sa pasahero nito na kinilala kay Arman Dalisay y Tumampil, 39 anyos, at tubo ng parehong bayan.

Napag-alaman na one-way lang ang naturang kalsada.

Ginang ninakawan sa may istasyon ng pulis sa Boracay

Napalitan ng kalungkutan ang dapat sana'y kasiyahan ng isang pamilya galing Luzon na nagbabakasyon lamang sa Isla pangatlong araw ngayon. Ninakawan kasi ang isa sa kanila malapit lamang istasyon ng pulis sa Isla ng Boracay.

Ang miyembro ng pamilya na ninakawan ng wallet ay nakilala kay Evelyn Palsis Parañaque, 68 anyos at kasalukuyang nanunuluyan sa isang resort malapit din sa istasyon ng pulis, sa Brgy. Balabag.

Ayon sa biktima, bibili sana siya ng souvenir sa mga bangketang naroroon ng mapansin nito na nawawala na ang kanyang wallet sa loob ng kanyang dala-dalang sling bag. Agad naman nitong ipinaalam sa mga kapulisan ang nasabing nangyari.

Sinilip naman ng kapulisan ng Boracay Tourist Assistance Center o BTAC ang CCTV ng malapit na resort subalit negatibong nakunan ang area.

Ang nasabing wallet ay naglalaman ngToronto Dominion Bank card, Senior Citizen's Card, Scotia Bank Card, 100 Canadian cash, at 50 USD.

Sa panayam naman ng Radyo Birada! sa biktima, may nakasalubong umano silang mag-ina kung saan ang maliit na bata ay humingi ng limos sa kanila. Binigyan naman ito ng ginang pero nagtataka siya kung bakit pa sinundan ng mga ito habang namimili ng souvenir kaya naman may duda ito na ang mga iyon ang kumuha.

Dagdag pa nito na marami umanong tao sa kanilang likuran na nakikisiksik habang namimili dahilan upang hindi niya napansin ang nangyari.

Ang insidenteng ito ay sa ilalim pa ng imbestigasyon ng mga kapulisan.

Opinyon: Huli na ang lahat!

Bibilangin na lang ang araw at APEC Summit meeting na dito sa Isla ng Boracay. Ang APEC o Asian Pacific Economic Cooperation meeting ay gaganapin sa Mayo 10 hanggang 23 ng taong ito.

courtesy of www.travelblog.org

Noong malayo pa ang nasabing meeting puspusan ang pagpapalno ng mga lokal na opisyal ng bayan ng Malay partikular dito sa Isla ng Boracay kabilang dito ang pagsasaayos ng baku-bako at bahaing mainroad ng Isla at ganoon rin ang paglalagay ng street light o ilaw. Ang mga ganito kasing sistema ay nakakadismaya sa mga bisita at pinapangyarihan ng mga aksidente at insidente bagaman at matagal na itong suliranin.

Napagkasunduan na ng DPWH (Department of Public Works and Highways), ng lokal na pamahalaan, kasama na ng probinsiyal na pamahalaan na laparan ang mainroad para sa maayos na daloy ng trapiko. Sa kasalukuyan kasi ay siksikan na ang mga sasakyan sa kalsada. Sa mga naunang pahayag ang plano ay gagawin at matatapos bago ang naturang malaking pagpupulong sa Isla na dadaluhan lang naman ng may sa 5000 na bisita mula sa loob at labas ng bansa. Pero tila bakit hanggang ngayon ay wala paring nasisimulan.

Anong dahilan? Hindi kasi mangyayari o isasagaw ang plano kung hindi gi

gibain ang mga magkabilaang mga gusali na halos sanggang-dikit sa magsigilid ng kalsada. Bagaman nasabihan na amg mga may-ari ng gusali bago nila ipatayo ang kanilang mga gusali ay pinayagan parin silang gamitin ang natitirang area malapit sa kalsada habang wala pa ang nakatakdang proyekto.

Pero paano iyan? Ito ngayon iilan palang ang nag-aayos ng kanilang mga gusali o pagtibag sa mga ito sa mga area na saklaw ng widening project ng mainroad.

Samakatuwid hindi na ito maihahabol pa! Pero kahit manlang sana ayusin ang mga drainage at mg alinya ng tubig sa mga tabing kalsada ay hindi magawa-gawa dahilan upang magbaha sa mga ilang lugar kahit napakainit ng sikat nga araw.

Ang isa pa ang mga baku-bakong kalsada, Imposibleng kahit ang pondo ng tatlong barangay sa isla ay kulang para ipaayos ito kung ito ang kailangan para mapaganda at mapangalagaan ang isla.

Puspusan ang pagsasaayos at paglalapad ng provincial road ngayon. Siguradong matatapos ito bago mag-APEC summit.

Ang Boracay sana ang inuna dahil ito ang venue.

Dahil sa maling plano, huli na ang lahat!

Bilihin sa Isla ng Boracay walang kontrol

Inirereklamo ng maraming mamimili sa Isla ng Boracay ang walang pakundangang pagtaas ng presyo sa mga pangunahing bilihin maging sa mga palengkeng "pang-masa".

Wika pa ng mga ito na "pang-turista" ang mga bilihing ito.

Kagaya na lamang halimbawa ng noodles, nasa halip ay 7-10 peso lang ay nasa 12 pesos na.

Ito rin ang situwasyon sa iba pang bilihin kagaya ng asukal, gatas, sardinas, bigas atbp.

Inirereklamo rin ng taumbayan ang pagtaas din sa presyo ng mga isda.

Sa eksklusibong panayam ng Radyo Birada! Engr. Diosdado Cadina Jr, Director ng DTI (Department of Trade and Industry) Aklan ipinahayag nito na palagian naman silang nagmomonitor sa Isla may kaugnayan sa mga bilihin.

Ang presyo ng bilihin ay nakadepende umano sa tindahan kung saan ka bumibili. Paliwanag pa nito na ang Talipapa Bukid ay kinakailangang nasa pangmasa ang kanilang presyo. Abiso rin niya sa mga mamimiling katamtaman lang ang budget ay huwag nang makipagsiksikan pa sa mga lugar na ang mga paninda ang pangturista ang presyo.

Bagaman hindi nito tiyak kung malalagyan ba ng opisina ng nabanggit na ahensiya ng gobyerno sa lugar dahil narin sa kakulangan sa pondo, tiniyak naman nito na bukas ang kanilang opisina sa Kalibo para sagutin ang mga reklamo sa kanila. Nais nito na makipag-ugnayan din sa mga cellphone number na 0917-563-4553 o 0918-800-1108 para sa mga hinaing. Mangyari lamang na isama ang pangalan ng tindihan, kung anong aytem at brand nito.

Sa susunod na linggo ay magkakaroon uli ng inspeksiyon ang nasabing tanggapan sa Isla.

Opinyon: Simple lang pero makabuluhan

Marso--Ilang araw nalang ay graduation na naman. Abala na naman ang mga guro at mga opisyal ng paaralan upang paghandaan ito.

Gayunpaman, nagpaalala ang Department of Education (DepEd) sa school officials at magulang na gawing simple ngunit makabuluhan ang pagtatapos ng mga estudyante.

Payo ni Education Secretary Armin Luistro ang mga pamunuan ng paaralan na gamitin ang Maintenance and Other Operating Expenses (MOOE) sa 2015 budget.

Ang kontribusyon para sa annual yearbook, kung meron man, ay kinakailangang nasa boluntaryong pamamaraan lamang, maaaring magdonate ang mga miyembro ng Parent Teacher Associations (PTA) dahil ito ay boluntaryong kontribusyon.

Ito ay isang mahalagang paalala sa mga magulang anumang paglabag rito ay iulat lamang sa tanggapan ng DepEd sa inyong lugar.

Ang graduation ay nangangahulugang ng pagtatapos--ng pamamahinga sa mga paghihirap sa pag-aaral--pagpupuyat kung may asayment at proyekto, pagsusunog ng kilay kung may exam, problema kung walang pamasahe at baon.

Kaya sa panahon ng graduation gawing simple pero makabuluhan. 

Lalaki ipinadampot sa mga pulis matapos nag-trespassing

Ipinadampot ng may-ari ng bahay sa So. Sinagpa, Brgy. Balabag, Isla ng Boracay, Malay, Aklan ang isang lalaki matapos mapag-alamang ito ay nagtrespassing sa kanilang residential area kaninang madaling araw.

Batay sa police blotter, 3:50 ng umaga nakita umano ng may-ari ng bahay na si Ma. Florencia Alvares y Baldisimo, 25 taon-gulang at kasalukuyang nakatira sa nabanggit nalugar, ang suspek na nasaloob ng kanilang bakuran na napapalibutan ng bakod na yari sa barbed wire at ilang light materials.

Kasama ang isang saksi na nakilala kay Estilito Baldsimo III y Apruebo, 34 anyos, agad nilang nilapitan ang nasabing lalaki upang kausapin ito.

Nakilala ito kay George Gen Patricio y Bermil, 18 taon-gulang, at residente ng parehong lugar. Paliwanag niya na siya ay nagsasagawa ng survey sa loob ng nasabing area at hinanap nito ang walo pa niyang kasamahan.

Wala namang naipakitang ID ang suspek matapos itong hanapan ng mga nasa bahay.

Napagkasanduan naman ng dalawang panig sa tanggapan ng Boracay Tourist Assistance Center na ayusin ang nasabing nangyari sa Brgy. Justice System.